TORNES NATURBARNEHAGE AS

Vedtektsfestet formål

1.1 Tornes Naturbarnehage (TNB) skal i nær forståing og samarbeid med heimen, og i samsvar med lov og forskrift, ivareta barna sine behov for omsorg og leik, og fremme læring og danning som grunnlag for personleg utvikling. 1.2 Tornes Naturbarnehage er ein friluftsbarnehage. Det betyr at naturen er hovudarena for den daglege aktiviteten i barnehagen. Barna skal få utfalde seg i fysisk aktivitet, skaparglede, undring og utforskartrang i møte med naturen. Forståing og respekt for naturens eigenart og eigenverdi, og samspelet mellom menneske, dyr og natur, er sentrale prinsipp i den pedagogiske plattformen til barnehagen. Barna skal ha gode vilkår for personleg utvikling, og lære å møte andre menneske med respekt. Grunnleggande verdiar som respekt for menneskeverdet og naturen, åndsfridom, nestekjærleik, tilgiving, toleranse, likeverd og solidaritet skal prege kvardagen i barnehagen, i tråd med grunnleggande verdiar i kristen og humanistisk arv og tradisjon. Rammeplan for barnehagen (2017) skal vere grunnlag for drift av barnehagen. 1.3 Barnehagen si årsplan følgjer dei kristne høgtidene. 1.4 TNB vil bruke ein montessoriinspirert pedagogikk, og har som mål å ha personale med godkjent montessoriutdanning. 1.5 Barnehagen skal drivast i samsvar med gjeldande lover, forskrifter, vedtekter, årsplan og fastsett budsjett for barnehagen.